Connect with us

Bekasi tempo dulu “Berobat ke mantri”

BERITA TERKINI

Bekasi tempo dulu “Berobat ke mantri”

Si IL?k

Zaman old kalo orang sakit berobat ke mantri,ntuh dimantri sakit apa juga keluhan nya obatnya kudu di jeksih (suntik) kalo belon di jeksih katanya belon enak, emang bener ntuh abis di jeksih yang dateng ke mantri pada nguyung,pulangnya udah bisa nyengir lagi.
Cuman dulu yang namanya mantri pan masih langka,udah gitu go jauh selaen di puskesmas Pondok gede deket bongpay pasar lama ada juga dikampung sawah belah kidul Kong Mantri Tiing yang terkenal dijaman entuh,ada juga sih dokter peraktek diklinik melenia deket gereja Santo Yoseph (servatius ) tapi orang kampung mah pan emang begitu walaupun ada dokter tapi dia cocok nya ke mantri ya kudu kemantri,kalo dipaksain malah kaga waras penyakitnya.
Dulu belon ada kendaraan umum,entuh baba kita yang udah demen berobat medis ama mantri lah entuh kalo Mao berobat pada dibonceng naek sepeda lewat jalan becek,licin dan mendem dilakonin dah biar bisa dijeksih sama mantri.
Laen ama yang kaga sabaran mah kalo tibang puyeng, buang-buang aer,masuk angin mah tinggal ngambil daon-daonan go dikunyah pada bae atawa pake ilmu sakti TPS( tampel,popol ,sembur) go udah pada bae sakitnya,abis kalo lagi kena penyakit berak-berak kita dari daerah Tanah merdika( sekitaran tol jati warna) kudu kerumah baba mantri TIing di ujung kampung sawah belah kidul lah keburu blepetan,karena jalan nya jauh kudu lewat sawah,solokan dan rawa udah gitu pas musim ujan kaga Kebayang ribednya dah, bisa ngepet dijalan dah ??

Sumber : Samadi-wisatajarahbekasi

Continue Reading
You may also like...

Click to comment

Leave a Reply

Your email address will not be published. Required fields are marked *

More in BERITA TERKINI

To Top