Connect with us

Menyambut Ramadhan orang betawi

SENI DAN BUDAYA

Menyambut Ramadhan orang betawi

 

Dulu orang kampung kita kalo mo ngadepin bulan Ramadhan alias bulan puasa,sebulan nya udah mulai sibuk ada yang pada jiarah sambil ngored kuburan, rowahan,penutupan pengajian,shalat nisfu wah pokoknya pada giat dan penuh semangat.Apalagi dah menjelang yang namanya munggahan ntuh orang pada bererod digalengan pada mo kepasar,yang namanya saur pertama bocah dirumah kudu pada makan enak,biasanya searinya makan lauknya tembang garang kalo pas saur ari pertama minimal sayur bandeng mah kudu ada.
Siang nya mo malem Ramadhan ntuh nyeng namanya selebar gang dipasangin colen dan pelita biar kaga gelap,apalagi sumur senggot yang dulu mah letaknya jauh dibelakang rumah kudu dikasih pelita,biar kaga jumbleng pan buat ajag-ijig dimalem ari,ambil wudhu,nyuci beras,ambil aer dan keperluan laennya,biar kiatan dan kaga pada nyemplung kesumur.
Aroma bakaran merang begitu berasa diidung,ntuh merang dibakar biar item dan abunya dimasukin ketengkat atau bokor kecil atasnya ditutupin kaen tipis buat nyaring abu merang,tengkat dikasih aer ntuh abu merang nyeng berwarna item siap buat dikeramasin di kepala.
Orang dulu kalo mo puasa kudu keramas biar bersih,badan nyeng bedaki dibersiin pake bite atau batu,kuku kaki ama tangan dikerik pake beling semprong biar putih dan gigi digosokin pake bite atau bata merah biar kinclong dan kalo nyeng pengen wangi itu awak mandinya pake kembang yang boleh metik dikebon,dulu mah kembang pan masing pada belatak,kembang ape aja ada.
Begitu dah kegembiraan orang dulu nyambut bulan puasa,bener-bener bersih luar dan dalem,suasana kampung begitu berasa hawa surganye,ntuh suara bedug seabis maghrib kaga ade berentinye bocah pada cetom berebut nakol bedug,suara ntuh bedug bikin kita semangat buat buru- buru ngelepit sajadah,sarungan dan bergegas segera ke langgar,ntuh Isya masing jauh ntuh orang udeh penuh di langgar.
Pokoknya aroma Ramadhan dijaman dulu begitu berasa kaga kaya sekarang orang kaya ogah-ogahan,puasa tinggal bulanye doang.

Continue Reading
You may also like...

Click to comment

Leave a Reply

Your email address will not be published. Required fields are marked *

More in SENI DAN BUDAYA

To Top